Nagbabalik ang singing champions na sina Isha Ponti at Andrea Gutierrez sa
"Beyond Gold:Songs Of A Lifetime" na mapapanood na sa Setyembre 5 sa Newport Performing Arts sa Resorts World Manila.
Sila ang magsisilbing front act ng OPM icon na si Nonoy Zuniga sa kanyang anniversary concert.
Kasama rin nilang magpe-perform ang host, model at aktor na si Raymond Gorospe.
Kung noon ay marami ang napabilib sa kanilang duet sa kanilang production number na "Points of View" sa "Seasons of OPM" ni Marco Sison noong Hulyo, iba raw namang sorpresa ang inihanda nila this time.
"Abangan na lang po nila. We have a lot in store tapos may additional guest po kami, si Sir Raymond Gorospe," ani Isha.
"Siyempre, as young singers, we hope to attract GenZers to the show. Iyon naman po talaga ang purpose namin.I will provide more of the pop. Si Ate Andrea naman po will turn into a bossa nova princess. So we're very excited," dugtong niya.
Ayon naman kay Andrea, feeling daw nila ay nasa cloud 9 sila dahil natupad ang pangarap nila na makatrabaho si Nonoy.
"Very honored and thankful. Kahit front act parang ang laki-laki na talaga.
It feels surreal at the same time, nakaka-pressure kasi legends iyong ipino-front act namin. So dapat mag-effort talaga,"pahayag niya.
Hirit naman ni Isha, halos wala namang pagkakaiba ang pakikipagtrabaho nila kina Marco Sison, Rey Valera at Nonoy Zuniga.
" This is our first time to do front act with Sir Nonoy kasi most of the time, sina Sir Rey Valera at Sir Marco Sison ang kasama namin. I think, there's not much difference kasi ganoon pa rin naman ang set up namin kasi it's the same production team like Seasons of OPM at "Ang Guwapo at ang Masuwerte." Ang pagkakaiba siguro is the chemistry between the main artists, "esplika ni Isha.
Malaking bagay din daw para sa kanila na mabigyan ng opportunity na makatrabaho ang mga tinitingalang pangalan sa industriya.
"Other than being given the opportunity to work with the icons, we also learn from them which is vital to our craft," lahad ni Isha.
Puring-puri rin ni Andrea si Nonoy sa working ethic nito.
"Noong una, kinakabahan nga po kami pero naging comfortable naman po kami kasi nag jo-joke siya kaya gumaan iyong pakikipag-work namin sa kanya. He's also inspiring to work with kasi napaka-professional niya," pagtatapos ni Andrea.
Given a chance to revive Nonoy's iconic song, bet daw ni Andrea to gawan ng sariling bersyon ang" Araw, Gabi" at "Never Say Goodbye."
Ang familiar songs naman na "Doon Lang" at *Kumusta Ka? " ang bet na i-revive ni Isha.
Sa" Beyond Gold:Songs Of A Lifetime" special guests naman ni Nonoy sina Marco Sison, Kuh Ledesma, Rey Valera at Lani Misalucha.
Ito ay mula sa produksyon ng EchoJam Entertainment at sa direksyon ni Calvin Niera.
No comments:
Post a Comment