Isang malaking hamon para sa actress-producer na si Rebecca Chuaunsu ang gumanap sa pelikulang “Her Locket” na hango ang kuwento sa kanyang tunay na buhay.
Sa pelikula, tinatalakay kung paano mas pinapaboran ang mga kalalakihan sa mga kababaihan sa isang lipunang patriarkal maging sa Chinoy communities kasama na sa usaping may kinalaman sa hatian ng mana.
Ayon pa sa premyadong actress, noong una raw ay binalak niyang gawing kuwento ng paghihiganti ang nasabing obra ni J. E. Tiglao.
“But going through the research, and the materials, and telling the story with Direk J.E Tiglao, sometimes it's painful," aniya. “So the story became a tapestry, a weaving of the stories from the director, from the writer and myself, as a storyteller,” aniya.
Paglalahad pa niya, bago raw nila gawin ang pelikula ay kumonsulta muna sila sa kanyang abogado na kasama sa cast ng pelikula.
“Actually, I bring my real life lawyer here who’s also in the cast. At the same time, we have a disclaimer. Not all parts will be biographical,”paglilinaw niya.
Hindi rin niya ikinaila na nahirapan siyang gumanap sa isang complex role ng isang babaeng may dementia sa kanyang first starring role in a movie.
“I was scared because I don’t have dementia yet so I researched and interviewed a lot of dementia patients, basically they’re my aunties and my older sister. I talked with them and they did not know that I was doing a research on the subject. We have also coaches provided by my director who supervised me on the set,”deklara niya.
Sobra rin daw siyang na-challenged dahil bukod sa producer siya rin ang lead star sa movie.
"Honestly speaking I have doubts, even a day before the shoot," ani Rebecca. "Even on the last night, while we were shooting the disco scene, because I had to bring my husband to the hospital, and my son had COVID-19, so my mind was all over the place,"pahabol niya.
Hindi rin daw niya akalain na mananalo siya ng kanyang first international acting award sa movie na inspired ng kanyang buhay sa 2023 Festival International du Film Transsaharien de Zagora sa Morocco.
“I was a bit sleepy. They’re speaking French and I could not understand. Then somebody said, “Rebecca.” I stood up and I said, what happened? What did I win? ‘The best actress.” I was so elated so I praised the Lord,”pagbabahagi niya.
Dagdag pa niya, maganda at masigabo rin daw ang naging pagtanggap ng pelikula nang ipalabas ito sa Cannes under Women in Asia, Bangladesh at iba pang prestihiyosong international film festivals.
Ayon pa kay Rebecca, ang pelikula ay isang love letter niya sa mga kababaihang Chinay.
"I want the Chinese female voice to be heard because, in the Chinese-Filipino setting, the sons are always favored over the daughters. So, I just want the female's voice to be heard and to empower ourselves," pagtatapos niya.
Ang “Her Locket” ay kuwento ni Jewel Ouyang, anak ng mayamang angkan ng mga Chinoy na nagkaroon ng dementia at kung paanong ang isang locket ay magiging instrumento para magbalik ang kanyang alaala.
Pinagbibidahan ng award-winning actress na si Rebecca Chuaunsu mula sa direksyon ni J. E Tiglao, tampok din sa pelikula sina Boo Gabunada, Sophie Ng at Benedict Cua.
Kasama naman sa supporting cast sina Francis Mata, Jian Repolles, Tommy Alejandrino, Zoey Villamanca, Norman Ong, Nellie Ang See, Atty. Kesterson Kua at marami pang iba.
Kalahok sa full length film category ng Sinag Maynila filmfest, ang pelikula ay mapapanood sa mga piling sinehan mula Setyembre 4 hanggang 10.
No comments:
Post a Comment