Producer John Bryan Diamante says Vilma Santos is the heart and soul of “Uninvited

 By Archie Liao

Ayon sa Mentorque Productions producer na si John Bryan Diamante, noon pa man ay pangarap na niyang makagawa ng pelikulang pagbibidahan ng Star for All  Seasons na si Vilma Santos.

“Growing up, I’ve seen her movies, so I could say that I’m also a fan,” aniya.

Kaya naman masasabing dream come true para sa kanya ang makapag-produce ng pelikulang “Uninvited” na kalahok sa ika -50 edisyon ng Metro Manila Film Festival.
“Actually, kami ni Ate Vi, madalas kaming nag-uusap pero  never kong naisip na balang araw ay magkakatotoo na gagawa kami ng isang project,” sey pa niya.

Dagdag pa niya, nang nilatag daw ang proyekto ay wala sa isip nila na isali ito sa  Metro Manila Film Festival.

“We just wanted to create a film, a quality film that we could really be proud of not only in the Philippines but globally, “ pahayag niya. “Incidentally, napili siya sa MMFF so thankful kami,”pahabol niya.

Binigyan din niya ng kredito ang multi-award winning actress sa naging partisipasyon nito para maisakatuparan ang nasabing project.

“Walang Uninvited kung walang Vilma Santos dahil istorya po niya ito. Actually, sa kanya nanggaling ang istorya nito. Noong bago pa akong producer, pangarap ko na po ang isang Vilma Santos. Ilang beses na po kaming nagpi-pitch and then marami po siyang ibinigay para i-peg. Ito iyong best na na-experience ko. Kasi di naman sa pag-aano, ang pangalang Vilma Santos is already bigger to any movie that we can create. We never expected we could do “Uninvited”but we were able to put it off. She is the heart and soul of “Uninvited,” deklara niya.

Nagpapasalamat din siya sa tiwalang ipinagkaloob sa kanila ng Warner Brothers na siyang distributor ng kanilang MMFF entry.

“I’m also grateful for the trust na ibinigay sa amin ng Warner na naging partner namin sa success ng “Mallari” last year. Malaking bagay iyong seal of approval nila,” bulalas niya.

Bukod kay Vilma, tampok din sa “Uninvited” ang dalawang award-winning actors at MMFF hitmakers na sina Aga Muhlach at Nadine Lustre.

Katuwang ang Project 8 Projects, ang “Uninvited” na mula sa direksyon ni Dan Villegas at iskrip ni Dodo Dayao ay mapapanood na simula sa Araw ng Pasko, Disyembre 25 sa lahat ng mga sinehan sa buong bansa.

Tampok din sa powerhouse cast sina Tirso Cruz III, Mylene Dizon, Elijah Canlas, Gabby Padilla, RK Bagatsing, Lotlot De Leon, Ketchup Eusebio, Cholo Barretto, Gio Alvarez, at Ron Angeles.