By Archie Liao
Patok na OPM hitmakers ang agad na bumandera sa partial list of winners sa 16th Star Awards for Music ng PMPC na gaganapin sa October 27, 6PM, sa Carlos P. Romulo Auditorium RCBC Plaza, Makati City.
Kabilang na riyan ang tinaguriang Kings of PPop, ang SB19 na ang hit song na "Gento" ay nanalong Dance Recording of the Year.
Nagwagi naman ang Ben&Ben ng Music Video of the Year para sa revival song nilang "The Way You Look At Me," na ang music video ay idinirehe ni Blasgil Tanquilut. Ang original singer ng naturang awitin na si Christian Bautista ay may special appearance sa music video na tampok sina Barbie Forteza at David Licauco.
Panalo ng Collaboration of the Year ang pagsasama nina Gary Valenciano at Gloc-9 sa kantang "Walang Pumapalakpak." Nasungkit din ni Gloc-9 ang Rap Album of the Year para sa kanyang album na "Pilak."
Sigurado namang masayang-masaya ang DonBelle fans dahil nagwagi ang kanilang mga idolo sa magkahiwalay na Pop categories. Si Donny Pangilinan ang itinanghal na Male Pop Artist of the Year para sa single niyang "Biglaan" kasama ang hitmaker ding si Maki sa kantang "Saan." Nakuha naman ni Belle Mariano ang Female Pop Artist of the Year para sa awitin niyang Bugambilya.
Nangabog naman sina Kim Chiu, Maymay Entrata, at Vice Ganda sa Novelty categories. Si Kim Chiu ang itinanghal na Novelty Artist of the Year para sa kanta niyang "Ms. Ukay."
Naghati naman sa award na Novelty Song of the Year ang "Rampa" ni Vice Ganda at ang "Autodedma" ni Maymay.
Mag-uuwi rin ng mga parangal ang multi-awarded hitmakers na sina Zack Tabudlo (Pop Album of the Year - 3rd Time's A Charm); Moira dela Torre (Female Acoustic Artist of the Year - Eme); Juan Karlos (Rock Album of the Year - Sad Songs and Bullshit); KZ Tandingan (Female R&B Artist of the Year -Kailan Pa Ma’y Ikaw): at Kris Lawrence (Male R&B Artist of the Year - Buti Na Lang).
Dahil nga partial list of winners pa lang ang inilalabas ng PMP, kaabang-abang din kung sino-sino pa ang mga mananalo sa iba pang mga kategorya. Iaanunsiyo ang winners sa natitirang mga kategorya sa mismong awards night.
Pangungunahan iyan ng labanan para sa tatanghaling Song of the Year sa pagitan ng SB19 (Gento), BINI (Pantropiko), Juan Karlos (Ere), Zack Tabudlo (Gusto), Moira Dela Torre (Ikaw at Sila), Maki (Saan), at Lola Amour (Raining in Manila).
Nominado sa Male Recording Artist of the Year sina Bamboo, Billy Crawford, Christian Bautista, Erik Santos, Juan Karlos, Zack Tabudlo, at Ogie Alcasid.
Sina Regine Velasquez, Moira Dela Torre, Yeng Constantino, KZ Tandingan, Morisette, Julie Anne San Jose, Katrina Velarde, at Sarah Geronimo naman ang mga nominado sa Female Recording Artist of the Year.
Nakaka-excite rin kung sino ang mananalo sa Album of the Year, Duo/Group Artist of the Year, Male and Female Concert Performers of the Year, Duo/Group Concert Performers of the Year, at Concert of the Year.
Bibigyan ng espesyal na mga parangal ang industry icons na sina Mr. Pure Energy Gary Valenciano at veteran music producer, musical director, at arrranger na si Homer Flores. Igagawad kay Gary ang Pilita Corrales Lifetime Achievement Award, habang pararangalan naman si Homer ng Parangal Levi Celerio Lifetime Achievement Award.
Ang 16th Star Awards for Music ay inoorganisa ng mga opisyal at miyembro ng PMPC sa pangunguna ng Pangulo nito na si Rodel Ocampo Fernardo. Katuwang ng PMPC ang Airtime Marketing ni Tess Celestino-Howard. Ang awards night ay ididirehe ni Eric Quizon.
Magsisilbing hosts ng Gabi ng Parangal sina Atasha Muhlach, Jameson Blake, Andre Paras, at Heaven Peralejo.
Mapapanood ang kabuuan ng awards night sa November 9, Saturday, 10:15PM sa A2Z.
Samantala, narito ang partial list of winners sa 16th Star Awards for Music:
MUSIC VIDEO OF THE YEAR
- THE WAY YOU LOOK AT ME
Ben&Ben | Sony Music Philippines and UR Records Philippines
POP ALBUM OF THE YEAR
- 3RD TIME’S A CHARM
Zack Tabudlo | UMG Philippines | Republic Records Philippines
MALE POP ARTIST OF THE YEAR
- DONNY PANGILINAN
Biglaan | Universal Records Philippines
- MAKI
Saan | Star Music and Tarsier Records
FEMALE POP ARTIST OF THE YEAR
- BELLE MARIANO
Bugambilya | Star Music
NEW MALE RECORDING ARTIST OF THE YEAR
- DIONELA
Oksihina | UMG Philippines and EMI Records
NEW FEMALE RECORDING ARTIST OF THE YEAR
- ATASHA MUHLACH
Pasuyo | Vicor Music
ROCK ALBUM OF THE YEAR
- SAD SONGS AND BULLSHIT
Juan Karlos | MCA Music Philippines
ROCK ARTIST OF THE YEAR
- LOLA AMOUR
Raining In Manila | Warner Music Philippines
NEW MALE GROUP ARTIST OF THE YEAR
- BILIB
Kabanata | AQ Prime Music
DANCE RECORDING OF THE YEAR
- GENTO
SB19 | Sony Music Philippines
RAP ALBUM OF THE YEAR
- PILAK
Gloc-9 | Universal Records Philippines
RAP ARTIST OF THE YEAR
- FLOW G
Rapstar | Ex Battalion Music
FEMALE R&B ARTIST OF THE YEAR
- KZ TANDINGAN
Kailan Pa Ma’y Ikaw | Universal Records Philippines
MALE R&B ARTIST OF THE YEAR
- KRIS LAWRENCE
Buti Na Lang | Homeworkz Entertainment Services
MALE ACOUSTIC ARTIST OF THE YEAR
- ARTHUR MIGUEL
Paano? | Warner Music Philippines
FEMALE ACOUSTIC ARTIST OF THE YEAR
- MOIRA DELA TORRE
Eme | UMG Philippines and Republic Records
COLLABORATION OF THE YEAR
- WALANG PUMAPALAKPAK
Gloc-9 and Gary Valenciano | Universal Records Philippines
NOVELTY SONG OF THE YEAR
- RAMPA
Vice Ganda | Star Music
- AUTODEADMA
Maymay Entrata | Star Music
NOVELTY ARTIST OF THE YEAR
- KIM CHIU
Ms. Ukay | Star Music
REVIVAL RECORDING OF THE YEAR
- STARS
Lily | Lily Music
INSPIRATIONAL SONG OF THE YEAR
- ISASAYAW KITA
InnerVoices | Vehnee Saturno Music Corporation
PILITA CORRALES LIFETIME ACHIEVEMENT AWARD
- GARY VALENCIANO
PARANGAL LEVI CELERIO LIFETIME ACHIEVEMENT AWARD
- HOMER FLORES
No comments:
Post a Comment