By Archie Liao
May bagong love team na napakalakas ng potensyal na kakiligan.
Ito ay ang tambalan nina Potchi Angeles at Shira Tweg na mga bida sa pelikulang "Believe It Or Not?" na produksyon ng
A&Q Productions ni Atty. Aldwin F.Alegre at ng AFA Entertainment.
Ayon sa lead actor na si Potchi, proud siya na kasama siya sa isang pelikulang may adbokasya tulad ng anti-bullying.
"Very timely po kasi ang theme niya at talagang nangyayari po lalo na po sa mga school natin na napalakas po ng peer pressure," aniya. "Proud po ako na maging part ng movie to be able to spread awareness po about the effects of bullying. Minsan po kasi di nila alam na mali iyong ginagawa nila. So, hopefully maging eye opener po iyong movie namin," dugtong niya.
Kuwento naman ng direktor nitong si Errol Ropero, ang pelikula raw ay base sa kanyang tunay na karanasan noong kabataan niya.
" Bully po talaga ako pero every time na nambu-bully ako, nabu-bully din ako agad. Instant karma. Ginawa ko iyong pelikula based sa experience ko noong kabataan ko. Lahat kasi ng nabu-bully at nambu-bully may reasons kung bakit sila ganyan. So, bully po talaga ako dati," ani Direk Errol.
Aminado rin si Direk na ibini-build up niya sina Potchi at Shira bilang love team.
Nauna na silang nagtambal sa youth-oriented drama na" YOLO."
Magkasama rin ang dalawa sa" Mind Over Matters" at Love In Da Ocean".
Hirit naman ni Potchi, kinikilig siya sa leading lady niyang si Shira.
"She's fun to work with. Nagdya-jibe kami at magka-vibes. Ang gaan lang kasi niyang katrabaho at sobrang nakaka-inspire ," pahayag niya.
Bilib din daw siya sa pagiging multi-talented ni Shira.
"Aside from acting, she also sings," pagtatapos niya.
Sey pa ni Potchi, nakaka-relate raw siya sa role niya bilang Billy, isang probinsyanong naging biktima ng pambu-bully sa iskul ng bratinelang si Brenda na ginagampanan ni Bianca Tan.
Magiging kakampi naman niya sa kanyang krusada sa mga bully ang special friend niyang si Yvette na binibigyang buhay ni Shira.
Ang Believe It or Not? ay pinatingkad ng awiting Say Watcha Wanna Say ng popular na P-Pop group na BILIB.
No comments:
Post a Comment